ත්‍රස්තවාදය වැළැක්වීමේ පනත අහෝසි කිරීමේ පනත සැප්තැම්බර් මුල

ත්‍රස්තවාදය වැළැක්වීමේ පනත අහෝසි කිරීමේ පනත් කෙටුම්පත සැප්තැම්බර් මුලදී ගැසට් කිරීමට කටයුතු කරන බව විදේශ කටයුතු අමාත්‍ය විජිත හේරත් පවසනවා.

අද පාර්ලිමේන්තුවේදී කල් තැබීමේ විවාදයට එක්වෙමින් අමාත්‍යවරයා මේ බව සඳහන් කළා.

එහිදී වැඩිදුරටත් අදහස් දැක්වූ අමාත්‍ය විජිත හේරත්, මෙසේද සඳහන් කළා ....

ත්‍රස්තවාදය වැළැක්වීමේ පනත එය එක්සත් ජාතීන්ගේ සංවිධානයේ හෝ එක්සත් ජාතින්ගේ මානව හිමිකම් කවුන්සිලය කියනකං අපි ඉන්න එකක් නෙවෙයි..... අපේ ප්‍රතිපත්ති ප්‍රකාශනයේ ඉතා පැහැදිලිව ්වා තිබෙන දෙයක්... ත්‍රස්තවාදය වැළැක්වීමේ පනත අහෝසි කරනවා කියලා. ඒ සම්බන්ධයෙන් අපි දැනටමත් බලයට පත්වෙලා කෙටි කාලයක් තුල විශේෂ කමිටුවක් පත්කළා.. ජනාධිපති නීතිඥ රියන්සි අර්සකුලරත්න නීතිඥතුමාගේ මූලිකත්වයෙන්... කමිටුව අවස්ථා ගණනාවකදී රැස්වෙලා සංශෝධනයන් සිද්ධ කරලා අද... වෙනකොට අපි ඒක අවසන් කරලා... සැප්තැම්බර් මුල වෙනකොට ත්‍රස්තවාදය වැළැක්වීමේ පන්ත අහෝසි කරන පනත් කෙටුම්පත ගැසට් කරන්න කටයුතු කරනවා.