පෑලියගොඩ පොලිසියෙදි වධහිංසා කිරීම - නඩුවේ සාක්ෂි විභාගයට දින නියම වෙයි

මීට වසර පහ­කට පෙර පෑලි­ය­ගොඩ පොලිස් ස්ථානය තුළදී නීති ශිෂ්‍ය­ය­කුට අමා­නු­ෂික ලෙස පහ­රදී වධ­හිංසා පැමි­ණ­වීමේ සිද්ධි­යක් සම්බ­න්ධ­යෙන් පෑලි­ය­ගොඩ පොලී­සියේ හිටපු ස්ථානා­ධි­පති, ප්‍රධාන පොලිස් පරී­ක්ෂක ලින්ටන් සිල්වා ඇතුළු පොලිස් නිල­ධා­රීන් සිව්දෙ­න­කුට කොළඹ මහා­ධි­ක­ර­ණය හමුවේ පවරා ඇති නඩුවේ සාක්ෂි විභාගය ඔක්තෝබර් 12 කැඳවීමට
මහාධිකරණය නියෝග කළා. බස්නා­හිර පළාත් හිටපු ආණ්ඩු­කාර, ජනා­ධි­පති නීතිඥ මෛත්‍රී ගුණ­රත්න මහ­තාගේ කනිටු පුත්‍රයා වන නීති ශිෂ්‍ය මිගාර ගුණ­රත්න මහ­තාට මෙලෙස පහ­රදී තිබූ අතර කොළඹ මහා­ධි­ක­රණ විනි­සුරු බුද්ධික සී රාගල මහතා ඉදි­රියේ මෙම නඩුව අද (16) කැඳවනු ලැබුවා. මෙම සිද්ධි­යට අදා­ළව ආර­ච්චිගේ ලින්ටන් සිල්වාට අම­ත­රව ජය­කොඩි ආර­ච්චිගේ සුමිත් කුමාර සෝම­රත්න, දිසා­නා­යක මුදි­ය­න්සේ­ලාගේ නදුන් තාරක මධු­රංග අබේ­කෝන් සහ පපා­ගොඩ ආර­ච්චිගේ අතුල විජේ­සිංහ යන පොලිස් නිල­ධා­රීන් පිරිසකට ඉකුත් ජුනි 17 වැනිදා අධි­චෝ­දනා ගොනු කළා. නීති­ප­ති­ව­රයා විසින් විත්ති­ක­රු­වන්ට එරෙ­හිව දණ්ඩ නීති සංග්‍ර­හයේ 32 වැනි වග­න්තිය යටතේ සහ 1994 අංක 22 දරන අමා­නු­ෂික හෝ අව­මන් සහ­ගත සැල­කී­ම්ව­ලට හෝ දඬු­ව­ම්ව­ලට එරෙහි සම්මුති පනත (වධ­හිංසා පනත) යටතේ මෙම නඩුව පවරා ඇත. 2021 වසරේ පෙබ­ර­වාරි 25 දා පෑලි­ය­ගොඩ පොලී­සිය විසින් රැඳ­වුම් නියෝග මත අත්අ­ඩං­ගු­වට ගෙන සිටි ජනා­ධි­පති නීති­ඥ­ව­ර­යාගේ සේවා­දා­ය­ක­යකු වූ ශෂික ජය­වීර නමැ­ත්තාට දිවා ආහා­රය ලබා­දී­මට නීති ශිෂ්‍ය මිගාර ගුණ­රත්න මහතා උත්සාහ කර ඇත. එම අව­ස්ථා­වේදී පොලිස් නිල­ධා­රීන් විසින් අදාළ සැක­ක­රු­ගෙන් බල­හ­ත්කා­ර­යෙන් ප්‍රකා­ශ­යක් ලබා­ගැ­නී­මට උත්සාහ කර තිබෙනවා. එහිදී ඇති වූ බහි­න්බස් වීමක් දුර­දිග යෑමෙන් පොලිස් නිල­ධා­රීන් විසින් නීති ශිෂ්‍ය­යාට මෙලෙස අමා­නු­ෂික ලෙස පහ­රදී ඇත. මෙම සිදුවීමෙන් තම මූලික අයි­ති­වා­සි­කම් උල්ලං­ඝ­නය වූ බව පව­ස­මින් මිගාර ගුණ­රත්න මහතා විසින් ශ්‍රේෂ්ඨා­ධි­ක­ර­ණය හමුවේ ද පෙත්ස­මක් ගොනු කර තිබුණා. එම පෙත්සම විභාග කළ ත්‍රිපු­ද්ගල ශ්‍රේෂ්ඨා­ධි­ක­රණ විනි­සුරු මඬුල්ල විසින් තීන්දු කර තිබුණේ එව­කට පෑලි­ය­ගොඩ පොලිස් ස්ථානා­ධි­ප­ති­ව­ර­යාව සිටි ලින්ටන් සිල්වා ඇතුළු වග­උ­ත්ත­ර­කාර පොලිස් නිල­ධා­රීන් විසින් ඔවුන්ගේ පෞද්ග­ලික මුද­ලින් සහ රජය පෙත්ස­ම්කාර නීති ශිෂ්‍ය­යාට වන්දි මුද­ලක් ගෙවිය යුතු බවයි. නඩුව ඔක්තෝබර් 12 වැනිදා යළි කැඳවේ.