2027 ICC ශූරයන්ගේ කුසලාන කාන්තා තරග සත්කාරකත්වය ශ්‍රී ලංකාවට අහිමිවෙයි

ශ්‍රී ලංකාවේ පැවැත්වීමට නියමිතව තිබූ 2027 ICC ශූරයන්ගේ කුසලාන කාන්තා ක්‍රිකට් තරගාවලියේ සත්කාරකත්වයෙන් ශ්‍රි ලංකාව ඉවත් කර තිබෙනවා.

ඒ ශ්‍රී ලංකාවේ ක්‍රියාත්මක ක්‍රිකට් පරිවර්තන කම්ටුව ජාත්‍යන්තර ක්‍රිකට් කවුන්සිලය පිළිනොගැනීම හේතුවෙන් වන අතර තරගාවලිය ඉදිරියේදි වෙනත් රටක සත්කාරකත්වයෙන් පැවැත්විමටයි නියමිතව ඇත්තේ.

ශම්මි සිල්වාගේ සභාපතිත්වයෙන් යුත් පසුගිය ක්‍රිකට් පරිපාලනය විසින් මෙම තරගාවලියේ සත්කාරකත්වය ශ්‍රි ලංකාවට ලබාගෙන තිබුණා.

හිරු ප්‍රවෘත්ති කළ විමසීමකදී ක්‍රිකට් පරිවර්තනය කමිටු ලේකම් ප්‍රකාශ් ශාෆ්ටර් සඳහන් කළේ තරගාවලිය වෙනත් රටක ඉදිරියේදී පවත්වන බවට ICCය දැනුම් දී ඇති බවයි.