ඔත්තේ ඉරට්ටේ ක්‍රමයට ඉන්ධන නිකුත් කිරීම සම්බන්ධව, මෝටර් රථ ප්‍රවාහන දෙපාර්තමේන්තුවෙන් දැනුම් දීමක්

ලංකා ඛනිජ තෙල් සංස්ථාව විසින් වාහන අංක තහඩුවේ අවසාන අංකය අනුව ඉන්ධන නිකුත් කිරීමට පියවර ගැනීම සම්බන්ධයෙන් මෝටර් රථ ප්‍රවාහන දෙපාර්තමේන්තුව විශේෂ නිවේදනයක් නිකුත් කර තිබේ.

ඒ, ප්‍රසම්පාදන කටයුතු හේතුවෙන් මෝටර් රථ ප්‍රවාහන දෙපාර්තමේන්තුව පසුගිය කාලය තුළ වාහන අංක තහඩු නිකුත් නොකල අතර මේ හේතුවෙන් ඇතැම් වාහන හිමියන් විවිධාකාර අංක තහඩු භාවිතා කිරීමට පෙළඹී ඇති කාරණය පිළිබඳවයි.

ඒ අනුව, මෝටර් රථ ප්‍රවාහන කොමසාරිස් ජනරාල්වරයා ජනතාවගෙන් ඉල්ලා සිටින්නේ වාහනයේ අනන්‍යතාවය නිවැරදිව තහවුරු කර ගැනීම සඳහා අවශ්‍ය අවස්ථාවේ දී වාහන ආදායම් බලපත්‍රය හෝ වාහනේ ලියාපදිංචි සහතිකය හෝ වාහන රක්ෂණ සහතිකය හෝ වාහන දුම් පරීක්ෂණ සහතිකය යන ලේඛන වලින් එකක් ඉදිරිපත් කරන ලෙසයි.