දෙවිනුවර ඇසළ පෙරහැරේ කාවඩි නර්තනයට අවසර

ඓතිහාසික දෙවිනුවර ශ්‍රී උපුල්වන් ශ්‍රී විෂ්ණු මහා දේවාලයේ වාර්ෂික ඇසළ පෙරහැරේ පසුගිය වසරේ නර්තනයේ යෙදුණු කාවඩි නර්තන කණ්ඩායම් 45 සඳහා මෙවර පෙරහැරේදී ද නර්තනයේ යෙදීමට අවසර ලබාදීමට මහජන ආරක්ෂක අමාත්‍ය ආනන්ද විජේපාල මහතා තීරණය කර තිබෙනවා.

ඒ අද (27) පස්වරුවේ මාතර දිසාපති කාර්යාලයේ පැවති විශේෂ සාකච්ඡාවේදීයි.

මෙම විශේෂ සාකච්ඡාව පැවැත්වුණේ මහජන ආරක්ෂක අමාත්‍ය ආනන්ද විජේපාල, එම අමාත්‍යාංශ ලේකම් රවී සෙනෙවිරත්න, පොලිස්පති ප්‍රියන්ත වීරසූරිය සහ මාතර දිස්ත්‍රික් ලේකම් චන්දන තිලකරත්න යන මහත්වරුන් ඇතුළු පාර්ශ්වවල සහභාගීත්වයෙනි.