වාහන මිල දැන් අඩුවෙමින් පවතිනවා – වාහන ආනයනකරුවන්ගේ සංගමය දැනුම් දෙයි

ජපානයේ නිෂ්පාදිත වාහන මිල පහළ යෑම නිසා මෙරට තුළ වාහන මිල අඩුවෙමින් ඇති බව වාහන ආනයනකරුවන් පවසනවා.

මෙරට තුළට වාහන විශාල වශයෙන් පැමිණීම හේතුවෙන් ලියාපදිංචි වාහන ද මිල බොහෝ සෙයින් අඩුවී ඇති බවයි වාහන ආනයනකරුවන්ගේ සංගමයේ සභාපති ඉන්දික සම්පත් සඳහන් කළේ.

ඒ අනුව, මෙම තත්ත්වයත් සමඟ ඉදිරියේදී වාහන නිසි මිලට පැමිණෙනු ඇති බවයි ඊයේ (20) පැවති මාධ්‍ය හමුවකට එක්වෙමින් වාහන ආනයනකරුවන්ගේ සංගමය ප්‍රකාශ කළේ.

මෙලෙස වාහන මිල අඩුවීම හේතුවෙන් වාහනයක් අලුතින් ගැනීමට අවශ්‍ය පිරිස් වාහන විකිණීමට කටයුතු නොකිරීමේ තත්ත්වයක් ඇති බවත් මෙම තත්ත්වය මත පාඩුවට වාහන විකිණීමට සිදුව ඇති බවද වාහන ආනයනකරුවන්ගේ සංගමයේ සභාපති ඉන්දික සම්පත් වැඩිදුරටත් ප්‍රකාශ කළා.