Watch : බැකෝ සමන්ට අයත් කෝටි ගාණක සුඛෝපබෝගී බස් රථ 2ක් සොයාගැනේ

බැකෝ සමන්ට අයත් රුපියල් කෝටි 8කට අධික වටිනාකමකින් යුත් සුඛෝපභෝගී බස් රථ 2ක්, බස්නාහිර උතුර අපරාධ කොට්ඨාසය මඟින් සොයාගෙන තිබෙනවා.

ඉන් එක් බස් රථයක් කටුනායක පිහිටි විදේශිකයින්ට ප්‍රවාහන පහසුකම් සපයන ආයතනයකට ලබාදී ඇති අතර, එහි වටිනාකම රුපියල් කෝටි 5කට අධික බවයි වාර්තා වන්නේ.

එමෙන්ම රුපියල් කෝටි 2.5ක් පමණ වටිනාකමින් යුත් අනෙක් බස් රථය මොනරාගල - කොළඹ අතර මගී ප්‍රවාහනය සඳහා යොදවා තිබෙනවා.

මෙහි එක් බස් රථයක් බැකෝ සමන් අත්අඩංගුවට ගැනීමට සති දෙයකට පෙර මිලදී ගෙන ඇති බවයි අනාවරණයව ඇත්තේ.

බස් රථ දෙක වෙනත් අයගේ නම් යොදාගෙන මිලදීගන ඇති බවත් පොලිස් විමර්ශනවලදී අනාවරණය වී තිබෙනවා.

මේ සම්බන්ධයෙන් වැඩිදුර විමර්ශන බස්නාහිර උතුර අපරාධ කොට්ඨාසයේ අධ්‍යක්ෂ සහකාර පොලිස් අධිකාරී රොහාන් ඕලුගල සහ එහි ස්ථානාධිපති ප්‍රධාන පොලිස් පරීක්ෂක ලින්ටන් සිල්වා යන මහත්වරුන්ගේ මූලිකත්වයෙන් ක්‍රියාත්මකයි.