ඝාතනයකට වරදකරු වූ ත්‍රිරෝද රථ රියදුරෙකුට මරණ දණ්ඩනය

බහින් බස්වීමක් මුල්කරගෙන පුද්ගලයෙකු තියුණු ආයුධකින් ඇන ඝාතනය කිරීමේ චෝදනාවකට අදාළව වරදකරු වූ 43 හැවිරිදි ත්‍රිරෝද රථ රියදුරෙකුට කොළඹ මහාධිකරණය අද (21) මරණීය දණ්ඩනය නියම කළා.

මෙම තීන්දුව ලබාදෙන ලද්දේ, කොළඹ මහාධිකරණ විනිසුරු මහේෂ් වීරමන් මහතා විසිනි.

මෙලෙස මරණ දඬුවම් නියම වූයේ, 2010 වසරේ මාර්තු මස 02 වනදා කැලණිය ප්‍රදේශයේදී රෝයි පීරිස් නැමැත්තෙකුව ආයුධකින් ඇන මරා දැමීමේ චෝදනාව සම්බන්ධයෙන් වරදකරු කෙරුණු පුද්ගලයෙකු හටයි.

දීර්ඝ නඩු විභාගයකින් අනතුරුව තීන්දුව ප්‍රකාශයට පත්කළ කොළඹ මහාධිකරණ විනිසුරු මහේෂ් වීරමන් මහතා සඳහන් කළේ, විත්තිකරුට එරෙහිව පැමිණිල්ල විසින් එල්ල කර තිබෙන චෝදනා සාධාරණ සැකයෙන් ඔබ්බට සනාථ කර තිබෙන බවයි.