Watch : යොවුන් මිහිකත රූ රැජින තරගාවලියේ, ලාංකේය නම බැබළවූ මවිති පුන්සරණි

ඉන්දියාවේ පැවති 08 වන යොවුන් මිහිකත රූ රැජින තරගාවලියේ ( Miss Teen Earth - 2025 ), හොඳම දේශීය ඇඳුමට ( Best in National Costume ) හිමි සම්මානය දිනාගැනීමට ශ්‍රී ලංකාව නියෝජනය කරමින් තරග වැදුණු මවිති පුන්සරණි සමත්ව තිබෙනවා.

අවුරුදු 20 ට අඩු ලෝකයේ රටවල් 15ක රූ රැජිනියන් 15 දෙනෙකුගේ සහභාගීත්වයෙන් ඉකුත් 03 වැනිදා සිට 09 වැනිදා දක්වා මෙම තරගය පැවතියේ, ඉන්දියාවේ ජායිපූර්හිදීයි.

ඊට ලංකාව නියෝජනය කරමින් සහභාගී වූ, මවිති පුන්සරණි 19 වියෙහි පසුවන අතර ඇය නිරූපණ ශිල්පිනියක ලෙස කටයුතු කරමින් සිටියි.

යොවුන් මිහිකත රූ රැජින තරගාවලියේ ජාතික අධ්‍යක්ෂ සහ ජාතික පුහුණුකරු ලෙස රුක්මාල් සේනානායක කටයුතු කරයි.