ශ්‍රී ලංකා ක්‍රිකට් පුහුණු කාර්ය මණ්ඩ­ල­යට නව මුහුණු එයි

ශ්‍රී ලංකා ක්‍රිකට් පුහුණු කාර්ය මණ්ඩ­ලය ප්‍රති­සං­ස්ක­ර­ණය කිරී­මට ශ්‍රී ලංකා ක්‍රිකට් තීර­ණය කොට ඇති අතර, හිටපු ක්‍රීඩ­ක­යන් වන අශාන් ප්‍රියං­ජන, නුවන් කුල­සේ­කර හා රංගන හේරත් වැනි දක්ෂ­යන්ට පුහුණු කාර්ය මණ්ඩ­ලයේ අව­ස්ථා­දී­මට තීර­ණ­යවී තිබේ.

ශ්‍රී ලංකා ‘ඒ’ ක්‍රිකට් පිලේ නව පුහු­ණු­කරු ලෙස අශාන් ප්‍රියං­ජන තෝරා ගෙන ඇති අතර, එම තන­තුරේ සිටි අවිශ්ක ගුණ­ව­ර්ධන 19න් පහළ සංචි­තයේ ප්‍රධාන පුහු­ණු­කරු ලෙස පත් කිරී­මට පිය­වර ගෙන තිබේ. දේශීය ක්‍රිකට් පිටියේ ප්‍රධාන ලෙසම කොළඹ ක්‍රිකට් සමා­ජය නියෝ­ජ­නය කළ අශාන් ප්‍රියං­ජන, එම කණ්ඩා­යමේ ප්‍රධාන පුහු­ණු­කරු දක්වා පැමිණි අත්දැ­කීම් ඇති අයෙකි.

මේ හේතු­වෙන් ඔහුට නව වග­කී­මක් භාර­දී­මට ශ්‍රී ලංකා ක්‍රිකට් තීර­ණය කොට තිබේ. අශාන් ප්‍රියං­ජ­නගේ පුහු­ණු­කා­රී­ත්ව­යෙන් ලබන මස 2 වැනිදා ශ්‍රී ලංකා­වට පැමි­ණෙන නව­සී­ලන්ත ‘ඒ’ පිල සමඟ තර­ගා­ව­ලි­යට ශ්‍රී ලංකා ‘ඒ’ ක්‍රිකට් පිල සූදා­නම් කෙරේ.

ශ්‍රී ලංකා ක්‍රිකට් පුහුණු සංචි­ත­වල වෙන­ස්කම් කිහි­ප­යක් සිදු කිරී­මට මෙයට වස­ර­කට පමණ පෙර සිටම සැල­සුම් කර තිබු­ණද ශ්‍රී ලංකාවේ පැවති විස්සයි20 ලෝක කුස­ලාන ක්‍රිකට් තර­ගා­ව­ලිය හේතු­වෙන් එම සැල­සුම් තාව­කා­ලි­කව කල්දැ­මී­මට සිදු­විය. හිටපු ක්‍රීඩ­ක­යන් වන නුවන් කුල­සේ­ක­රට හා රංගන හේරත්ට ඉදිරි සතිය ඇතු­ළ­තදී වග­කීම් කිහි­ප­යක් පැව­රී­මට සාකච්ඡා වෙමින් පවතී.

කෙසේ වුවද ලබන මස 15 වැනිදා සිට ශ්‍රී ලංකා පිලේ ප්‍රධාන පුහු­ණු­කරු තන­තු­රට පත්වන දකුණු අප්‍රි­කාවේ ගැරී කර්ස්ටන් මහ­තාගේ පැමි­ණී­මට පෙර ‘ඒ’ කණ්ඩා­යමේ, නැගී එන කණ්ඩා­යමේ හා 19න් පහළ සංචි­ත­වල ප්‍රධාන වෙන­ස්කම් කිහි­ප­යක් කිරී­මට කට­යුතු කර ඇත.

කර්ස්ටන් මහ­තාගේ ඉල්ලීම පරිදි ශ්‍රී ලංකා ක්‍රිකට් පිලේ දැනට සිටින විවිධ අංශ­වල පුහු­ණු­ක­රු­වන්ගේ වෙන­ස්කම් කිහි­ප­යක් සිදු­වනු ඇතැයි ද වාර්තා වේ. ලෝක කුස­ලාන ක්‍රිකට් තර­ගා­ව­ලි­යෙන් පසු හිටපු ප්‍රධාන පුහු­ණු­කරු සනත් ජය­සූ­රිය මහතා ශ්‍රී ලංකා පිලෙන් ඉවත්වූ අතර, එම පුර­ප්පා­ඩු­වට සුදු­සු­කම් ඇති විදෙස් පුහු­ණු­ක­රු­වකු පත් කිරී­මට ශ්‍රී ලංකා ක්‍රිකට් සාකච්ඡා කිහි­ප­යක්ම පවත්වා ගැරී කර්ස්ටන් මහතා තෝරා පත්කර ගත්තේය.

කර්ස්ටන් මහතා 2008 සිට 2011 දක්වා ඉන්දීය ක්‍රිකට් පිල පුහුණු කළ අතර, ඔහුගේ ධුර කාලයේ අව­සාන වස­රේදී ඉන්දි­යාව එක්දින ලෝක කුස­ලා­නය දිනා ගත්තේය. අන­තු­රුව ඔහු 2011 සිට 2013 දක්වා දකුණු අප්‍රි­කාව කළ­ම­නා­ක­ර­ණය කළ අතර, එහිදී එම කණ්ඩා­යම සියලු ආකෘ­තී­න්ගෙන් අංක 1 බවට පත්වී­මට උප­කාරී විය.