ශ්‍රී ලංකා කණ්ඩායම එක්දින ශ්‍රේණිගත කිරීම්වල මුල් කණ්ඩායම් හතරට

ICCය විසින් නිකුත් කරන ලද නවතම එක්දින කණ්ඩායම් ශ්‍රේණිගත කිරීම්වල 04 වන ස්ථානය දක්වා ඉදිරියට පැමිණීමට ශ්‍රී ලංකා කණ්ඩායමට හැකියාව ලැබී තිබෙනවා.

බටහිර ඉන්දීය කොදෙව් කණ්ඩායම සහ පාකිස්ථානය අතර මේ දිනවල පැවැත්වෙන එක්දින තරඟාවලියේ ඊයේ (10) පැවති දෙවන එක්දින තරඟය පාකිස්ථානය පරාජයට පත් වීමත් සමඟයි ශ්‍රී ලංකාව ශ්‍රේණිගත කිරීම්හි මෙලෙස ඉදිරියට පැමිණ ඇත්තේ.

ශ්‍රී ලංකාවට ඉදිරියෙන් තෙවන ස්ථානයේ ඕස්ට්‍රේලියාව සහ දෙවන ස්ථානයේ නවසීලන්තය රැඳී සිටිනවා.

මෙම ශ්‍රේණිගත කිරීම්වල පෙරමුණේ පසු වන්නේ ප්‍රබල ඉන්දීය කණ්ඩායමයි.

එක්දින ශ්‍රේණිගත කිරීම්වලට අමතරව ටෙස්ට් ශ්‍රේණිගත කිරීම්වල 06 වන ස්ථානයේත්, විස්සයි විස්ස ශ්‍රේණිගත කිරීම්වල 07වන ස්ථානයේත් ශ්‍රී ලංකාව මේ වන විට රැඳී සිටිනවා.