Local
Watch : කෝටි ගානක සල්ලි උස්සපු මහ හොරාව අල්ලයි – උසාවිය අසලට විශාල පිරිසක්
![](https://www.newscenter.lk/wp-content/uploads/2023/10/2-145.jpg)
කෝටි 998 ට ආසන්න මුදලක් වංචා කළ යොවුන් ලංකා සමාගමේ අයිතිකරු ධම්මික අතපත්තු නුවර ප්රදේශයේ සැඟව සිටියදී අපරාධ විමර්ශන අංශයේ වාණිජ හා මූල්ය අපරාධ අංශය විසින් අත්අඩංගුවට ගෙන අද දින වාරියපොල මහේස්ත්රාත් අධිකරණයට ඉදිරිපත් කිරීමෙන් අනතුරුව නොවැම්බර් පළවෙනි දින දක්වා රක්ෂිත බන්ධනාගාර ගත කරන ලදී.
මෙහිදී විශාල පිරිසක් උසාවියට පැමිණ ඔහුට උසාවියෙන් කුමන නියෝගයක් ලැබේ ද යන්න විමසිලිමත්ව අධිකරණයේ රැඳී සිටින ලදී.
ධම්මික අතපත්තු මහතා අධිකරණයෙන් වාරිපොල බන්ධනාගාරය වෙත රැගෙන ගිය සැනකින් ඔහුට බන්ධනාගාරයෙන් උදව් ලබා දීම සඳහා හිටපු බන්ධනාගාර අධිකාරි සම්පායෝ මහතාගේ ගෝලයෙකු බන්ධනාගාර ගේට්ටුව අසල සිටියදී අප වාර්තාකරුට හසුවිය.
Hot News
Watch : ත්රීරෝද රථයක් ටිපර් රථය ගැටී මාරක රිය අනතුරක් – කාන්තාවක් මරුට
![](https://www.newscenter.lk/wp-content/uploads/2024/07/1-659-jpg.webp)
බඩල්කුඹුර මොණරාගල ප්රධාන මාර්ගයේ බඩල්කුඹුර පොලිස් බල ප්රදේශයට අයත් ගල්ලබ ප්රදේශයේ දී ත්රීරෝද රථයක් ටිපර් රථයක මුහුණට මුහුණ ගැටීමෙන් අනතුරක් සිදු වී තිබේ.
මෙම අනතුරින් ත්රීරෝද රථයේ ගමන් ගත් වයස අවුරුදු හතලිස් එකක කාන්තාවක් ජීවිතක්ෂයට පත් වී ත්රීරෝද රථයේ සහ ටිපර් රථයේ රියදුරු තුවාල ලබා ඇත.
මෙසේ මියගොස් ඇත්තේ බඩල්කුඹුර කලුගහවාඩිය ප්රදේශයේ පදිංචි කාන්තාවක් වන අතර අනතුරින් තුවාල ලැබූ අනෙක් දෙදෙනා මොණරාගල දිස්ත්රික් මහ රෝහලට ඇතුළත් කර තිබේ.
අපරික්ෂාකාරි රිය ධාවනය අනතුරට හේතුව බව පොලිසිය පවසන අතර සිද්ධිය සම්බන්ධයෙන් බඩල්කුඹුර පොලිස් ස්ථානයේ නිලධාරීන් විසින් ඉදිරි විමර්ශන සිදු කරයි.
(ජයන්ත වීරසේකර -වැල්ලවාය)
Hot News
පානදුර දී බස් රථයක් සොරකම් කළ පුද්ගලයකු අත්අඩංගුවට
![](https://www.newscenter.lk/wp-content/uploads/2024/07/1-598-jpg.webp)
සුපුරුදු පරිදි රාත්රී කාලයේදී මගී ප්රවාහන බස් රථයක් එහි හිමිකරු විසින් පානදුර මිනුවන්පිටිය සුසාන භූමිය ආසන්නයේ ගාල් කර තිබියදී එම බස් රථය සොරකම් කර පලායමින් සිටි පුද්ගලයකු බස් රථයද සමග අත්අඩංගුවට ගැනීමට පානදුර දකුණ පොලිසියේ අපරාධ අංශයේ ස්ථානාධිපතිතුමා ඇතුළු කණ්ඩායමක් ඊයේ උදෑසන සමත් විය.
මෙම බස් රථය ඊට පෙර දින ධාවන කටයුතු අවසන් කරමින් රාත්රී කාලයේදී පානදුර මිනුවන්පිටිය සුසාන භූමිය ආසන්නයේදී ගාල් කර තිබියදී උදෑසන එම බස් රථයේ රියදුරු සහ කොන්දොස්තරවරයා එම බස් රථය සුපුරුදු පරිදි මගී ප්රවාහන කටයුතු සඳහා රැගෙන යාමට පැමිණිමේදී එම ස්ථානයේ බස් රථය නොමැති බව බස් රථයේ හිමිකරුට දන්වා තිබේ.
ඉන්පසුව බස් රථයේ හිමිකරු පානදුර දකුණ පොලිසියට මේ පිළිබඳව පැමිණිල්ලක් ඉදිරිපත් කොට තිබේ.මෙම බස් රථ සොරකම සම්බන්ධයෙන් වහාම ක්රියාත්මක වූ පානදුරු දකුණ පොලිසියේ අපරාධ අංශයේ ස්ථානාධිපති උප පොලිස් පරීක්ෂක ප්රසාද් මහතා ඇතුළු කණ්ඩායමක් ලද තොරතුරක් මත බස් රථයේ පසුපස හඹා ගොස් තිබේ.
ඉන් පසුව මෙම බස් රථය පානදුර දෙස සිට කොළඹ දෙසට ගමන් කරන බවට ලද තොරතුරක් මත බස් රථය පසුපස හබාගොස් මොරටුව රාවතාවත්ත ප්රදේශයේදී පොලිස් ජීප් රථය හරස්කොට මහත් ආයාසයක් යොදා එම බස් රථය පැදවු රියදුරාද සමඟ බස් රථය පොලිස් භාරයට ගැනිණ.මෙසේ අත්අඩංගුවට පත්වූයේ පනස් දෙක හැවිරිදී මිනුවන්පිටිය ප්රදේශයේම පදිංචි පුද්ගලයෙකි.
මෙම සොරකම සම්බන්ධ පුද්ගලයා මීට පෙර මෙම බස් රථයේ රියදුරු වශයෙන් කටයුතු කර තිබෙන අතර කාලෙකට පෙර මෙම බස් රථය හිමිකරු විසින් ඔහුව සේවයෙන් ඉවත්කොට ඇත .
සොරකම් කරන ලද පුද්ගලයා බස් රථයේ යතුර තිබෙන ස්ථානය පිළිබඳව ඔහුට අවබෝධයක් තිබූ හෙයින් අලුයම් කාලයේ බස් රථයේ දොරකඩා ඇතුළු වී එම බස් රථයේ යතුරද රැගෙන මෙසේ බස් රථය සොරකම් කොට ඇත.
මෙම බස් රථය සොරකම් කළේ කුමටද යන්න පිළිබඳව මේ වන විට ඔහු නිසි පිළිතුරක් ලබාදී නොමැති අතර,පොලිසිය සැක කරන්නේ මෙම බස් රථය කොළඹ ප්රදේශයේ කිසියම් තැනක සඟවා එහි අමතර කොටස් අලෙවි කිරීමට කටයුතු කළේද යන්න පිළිබඳව සැක පල කරයි.කෙසේ වෙතත් මෙම සිද්ධිය සම්බන්ධයෙන් පානදුර දකුණ පොලිසිය ඉදිරි විමර්ශන ක්රියාත්මකයි.
(සම්පත් කුලරත්න – කළුතර)
Hot News
තේ වෙනුවට කසිප්පු විකිණූ මහනුවර හෝටලය
![](https://www.newscenter.lk/wp-content/uploads/2024/07/1-564-jpg.webp)
මහනුවර මධ්යම වෙළෙඳ පොළේ හෝටලයක කාලයක් තිස්සේ සිදු කළ කසිප්පු ජවාරමක් පිළිබඳ තොරතුරු අනාවරණය කර ගැනීමෙන් පසු සිදුකළ වැටලීමක දී කිසිප්පු බෝතල් 08 ක් සමඟ 22 දින පුද්ගලයින් දෙදෙනෙකු අත්අඩංගුවට ගත් බව මහනුවර කොට්ඨාස අපරාධ විමර්ශන ඒකකය පවසයි.
හෝටලයේ හිමිකරු සහ සේවකයෙකු මෙලෙස අත්අඩංගුවට ගෙන තිබෙන අතර සේවකයා කලක් යුද හමුදාවේ විශේෂ බළකායේ සේවයේ නිරතව සිට විශ්රාම ලැබූ අයෙකු බව පොලීස් පරීක්ෂණ මගින් හෙළිව තිබේ.
කිසිවෙකුට සැක නොසිතෙන පරිදි රට බීම බෝතල් වලට කසිප්පු දමා කාලයක් තිස්සේ මොවුන් මෙම ජාවාරම සිදු කරගෙන ගොස් ඇත.
ගැනුම්කරුවෙකු පැමිණි විට හෝටලයේ තේ හදන ස්ථානයේ ඇති අඬු කෝප්පයකට දමා කිසිප්පු ලබා දී තිබෙන බවත් දෛනිකව මෙම ස්ථානයේ කිසිප්පු බෝතල් 10 ක් පමණ මේ ආකාරයට අළෙවි කර තිබෙන බවත් පොලීසිය පවසයි.
මධ්යම වෙළෙඳ පොළට පැමිණෙන ලොරි රථ වලට භාණ්ඩ පැටවීම හා බෑම සිදු කරන නාට්ටාමිවරුන් මෙම ස්ථානයෙන් කසිප්පු පානය පෙරවරු 5.00 ට පමණ ආරම්භ කරන බව වාර්තා වේ.
රුපියල් 1200 ක මුදලකට තමන් ලබා ගන්නා කසිප්පු බෝතලයක් කෝප්ප වලට දමා විකිණීමෙන් රුපියිල් 2000 ක පමණ මුදලක් ලැබෙන බවත් දිනකට බෝතල් 10 ක් පමණ අළෙවි කර රුපියල් 8000 ක පමණ අමතර ආදායමක් හෝටලයේ හිමිකරු ලබා ගන්නා බවත් හෙළිව තිබේ.
මහනුවර පොලීසිය පෙනෙන මානයේ ඇති මහනුවර මධ්යම වෙළෙඳ පොළ තුළ දීර්ඝ කාලයක් තිස්සේ ඉතා රහසිගතව මෙම කසිප්පු ජාවාරම සිදු කරගෙන ගොස් තිබෙන අතර ඒ සම්බන්ධයෙන් මහනුවර මහ නගර සභාව මගින් ද පරීක්ෂණයක් ආරම්භ කර ඇත.
මහනුවර කොට්ඨාස භාර ජ්යෙෂ්ඨ පොලිස් අධිකාරි අනුරුද්ධ බණ්ඩාරනායක මහතා ගේ උපදෙස් මත මහනුවර පොලිස් මූලස්ථානාධිපති ප්රධාන පොලිස් පරීක්ෂක රසික සම්පත් මහතාගේ මෙහෙයවීමෙන් කොට්ඨාස අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක තිලක් සමරනායක, උප පොලිස් පරීක්ෂකවරුන් වන අබේරත්න,ධම්මික,පොලිස් සැරයන් 32874 ජයවර්ධන, පොලිස් කොස්තාපල් 69707 හේමසිරි යන නිලධාරීන් මෙම වැටලීම සිදුකර ඇත. අත්අඩංගුවට ගත් හෝටල් සේවකයා කලක් විශේෂ කාර්ය බළකායේ සේවය කොට විශ්රාම ගිය අයෙකු බව පොලීසිය පවසයි.
(කමල් සුරවීර – මහනුවර)
-
Hot News6 days ago
රාජ්ය සේවකයින්ගේ වැටුප යළිත් වැඩි කිරිමේ යෝජනාවක් ?
-
Hot News6 days ago
Watch : මුළු රටම ආදරය කරන ජනප්රිය ගායකයෙකු ගමන් ගත් මෝටර් රථය අනතුරක
-
Hot News4 days ago
පොලී රහිත ණය ලබාදීමේ අවබෝධතා ගිවිසුමට අත්සන් තැබේ
-
Hot News4 days ago
මහනුවර කතරගම දේවාලයේ මහ කපු මහතා ගේ ගෙදර ගිනිගනී
-
Hot News5 days ago
Watch : වසන්ත එළොව යැවීමට සහය දුන් 21 හැවිරිදි හෂිනි සංජුලා සියල්ල පාපොච්චාරණය කරයි
-
Hot News6 days ago
Watch : ක්ලබ් වසන්තගේ බිරිඳ මැණික්ගේ තත්ත්වය ගැන රටම නොදන්න ඇත්තම කතාව මෙන්න
-
Hot News5 days ago
Watch : බරපතල වැඩ සහිතව වසර 3ක සිර දඬුවම් නියම වූ හිරුණිකාට ඇප
-
Hot News4 days ago
හිටපු ඇමති විජිත් විජිතමුණි හදිසියේම රෝහල්ගත කරයි