වාණිජ නෞකා සඳහා, හෝමූස් සම්පූර්ණයෙන්ම විවෘතයි - ඉරානය

ලෙබනනයේ සටන් විරාම ගිවිසුමට සමගාමීව, හෝමූස් සමුද්‍ර සන්ධිය (Strait of Hormuz) වාණිජ නෞකා සඳහා සම්පූර්ණයෙන්ම විවෘත කළ බව ඉරාන විදේශ අමාත්‍යවරයා නිල වශයෙන් ප්‍රකාශ කර තිබේ.

මේ සම්බන්ධයෙන් අමෙරිකානු ජනාධිපතිවරයා ද සිය truth social ගිණුම හරහා ප්‍රකාශයක් සිදුකර තිබේ.

ඒ, හෝමූස් සමුද්‍ර සන්ධිය ව්‍යාපාරික කටයුතු සහ පූර්ණ ගමනාගමනය සඳහා සම්පූර්ණයෙන්ම විවෘතව පවතින නමුත් ඉරානය සමඟ වන ගනුදෙනුව 100% ක් සම්පූර්ණ වන තෙක්, ඉරානයට පමණක් අදාළ වන පරිදි පනවා ඇති නාවික අවහිරතාව එලෙසම බලාත්මකව පවතිනු ඇති බවයි.

එමෙන්ම බොහෝ කරුණු පිළිබඳව දැනටමත් සාකච්ඡා කර අවසන් බැවින් මෙම ක්‍රියාවලිය ඉතා ඉක්මනින් සිදුවනු ඇතැයි අපේක්ෂා කරන බවත් ට්‍රම්ප් වැඩිදුරටත් සඳහන් කරයි.

''හෝමූස් සමුද්‍ර සන්ධිය ව්‍යාපාරික කටයුතු සහ පූර්ණ ගමනාගමනය සඳහා දැන් සම්පූර්ණයෙන්ම විවෘතව පවතියි. නමුත්, ඉරානය සමඟ අපගේ ගනුදෙනුව 100% ක් සම්පූර්ණ වන තෙක්, ඉරානයට පමණක් අදාළ වන පරිදි පනවා ඇති නාවික අවහිරතාව එලෙසම බලාත්මකව පවතිනු ඇත. බොහෝ කරුණු පිළිබඳව දැනටමත් සාකච්ඡා කර අවසන් බැවින් මෙම ක්‍රියාවලිය ඉතා ඉක්මනින් සිදුවනු ඇතැයි අපේක්ෂා කෙරේ. මේ පිළිබඳව අවධානය යොමු කිරීම ගැන ස්තූතියි !''