අවතැන් වූ ජනතාව වෙනුවෙන් අස්ගිරි මහා විහාරයෙන් මිලියන පහක මූල්‍යාධාරයක්

ස්භාවික ආපදා තත්වයෙන් අවතැන් වූ ජනතාව වෙත සෙත සැලසීම උදෙසා ශ්‍රී දළදා මාලිගාව පිහිටුවා ඇති අරමුදලට අස්ගිරි මහා විහාරය වෙතින් රු. මිලියන පහක මූල්‍යාධාරයක් ලබාදී තිබෙනවා.

අස්ගිරි මහා විහාරයේ මහානායක අතිගෞරවාර්හ වරකාගොඩ ධම්මසිද්ධි ශ්‍රී පඤ්ඤානන්‍ද ඤාණරතනාභිධාන මහානායක මාහිපාණන් වහන්සේ විසින් මෙම මූල්‍ය පරිත්‍යාගය අද (දෙසැ. 03) පෙරවරුවේ අස්ගිරි මහා විහාරයේ දී, ප්‍රදීප් නිලංග දෑල ශ්‍රී දළදා මාලිගාවේ දියවඩන නිලමේ තුමා වෙත භාරදෙන ලදී.