''තාත්තා සමුගෙන අදට හරියටම අවුරුදු නවයක්. මේ අවුරුදු නවය කොහොම ගෙවුණද මම දන්නෙ නැහැ..'' - විශාරද සුභානි අමරදේව

හෙළයේ මහා ගාන්ධර්වයාණන් ලෙස හඳුන්වන මුළු රටක්ම ආදරය කරන ආචාර්ය අමරදේවයන් දැයෙන් සමුගෙන, අදට වසර නවයක් සම්පූර්ණ වනවා.

එය නිමිත්තෙන්, අද (03) දිනයේ බත්තරමුල්ල අපේ ගම පරිශ්‍රයේ ඉදිවෙමින් පවතින අමරදේව අසපුව අසල අනුස්මරණ උත්සවයක් සංවිධානය කර තිබෙනවා.

එහිදී සුසාන ඝරය වෙත පුෂ්පෝපහාර දැක්වීම සහ සවස 6ට අමරදේවයන්ගේ ගීත ඇතුළත් ප්‍රසංගයක් ද පැවැත්වෙනු ඇති.

මේ පිළිබඳව, අමරදේවයන්ගේ ආදරණීය දියණිය විශාරද සුභානි අමරදේව සිය ෆේස්බුක් ගිණුම වෙත මෙලෙස සටහනක් එක්කර තිබුණා.

''ආදරණීය මගෙ තාත්තේ ඔයා අපෙන් සමුගෙන අදට හරියටම අවුරුදු නමයක් වෙනවා.... මේ අවුරුදු නමය කොහොම ගෙවුනද මම දන්නෙ නැහැ... අද දවසේ ඔබ වෙනුවෙන් ඉදිවෙමින් පවතින අමරදේව අසපුව පරිශ්‍රයේදි ( බත්තරමුල්ල අපේ ගම ) අනුස්මරණ උත්සවයක් සංවිධානය කර ඇති අතර එහිදී සුසාන ඝරය වෙත පුෂ්පෝපහාරයක් සහ සවස 6.00 ට ඔබගේ ගීත ඇතුළත් ප්‍රසංගයක් ද පැවැත්වෙනවා... එමෙන්ම මේ මස 29 වන දින UK, London, slough නගරයේ Crystal Grand ශාලාවේ දී ඔබ කල සේවයට, යුතුකම වෙනුවෙන් විශේෂ උපහාර ප්‍රසංගයක් පැවැත්වෙනවා... UK වෙසෙන සැමට එය මහඟු අවස්ථාවක් බව කරුණාවෙන් සඳහන් කර එය නැරඹීමට රසික ඔබට මම ගෞරවයෙන් ආරාධනා කරමි..''