2026 T20 ලෝක කුසලානයේ නිල කාලසටහන එළිදැක්වීම අද

ලබන වසරේ පැවැත්වීමට නියමිත පන්දුවාර 20 ලෝක කුසලාන ක්‍රිකට් තරගාවලියේ තරග කාලසටහන මුම්බායි නුවරදී අද (25) එළිදැක්වීමට නියමිතව තිබෙනවා.

මෙවර තරගාවලිය ඉන්දියාවේ සහ ශ්‍රී ලංකාවේ සම සත්කාරකත්වයෙන් පැවැත්වෙනවා.

කණ්ඩායම් 20ක් තරගාවලියට එක්වන අතර අවසන් මහා තරගය ද ඇතුළුව තරග 55ක් පැවැත්වීමට නියමිතයි.

මෙම නිල උත්සවය සඳහා ඉන්දීය ක්‍රීඩක ක්‍රීඩිකාවන් වන රෝහිත් ෂර්මා, සූර්ය කුමාර් යාදෙව්, හර්මන් ප්‍රීත් කෞර් එක් වන අතර ශ්‍රී ලංකාව නියෝජනය කරමින් සහභාගී වන්නේ ඇන්ජලෝ මැතිව්ස්.

මෙරට වේලාවෙන් අද (25) පස්වරු 6.30ට නිල කාලසටහන එළිදැක්වීමේ උත්සවය ආරම්භ වීමට නියමිතයි.

තරගාවලිය එළැඹෙන වසරේ පෙබරවාරි 7සිට මාර්තු 8වැනිදා දක්වා පැවැත්වෙනවා.