කොළඹ මහ නගර සභාවට එරෙහිව වැට් බදු නඩුවක්

කොළඹ මහ නගර සභාව විසින් රජයට නොගෙවා පැහැර හැරියේ යැයි කියන රුපියල් මිලියන 1034 වැට් බදු අය කරගැනීමේ නියෝගයක් නිකුත් කරන්නැයි ඉල්ලා දේශීය ආදායම් කොමසාරිස්වරයා විසින් කොළඹ මහේස්ත්‍රාත් අධිකරණය හමුවේ අද(25) නඩු පවරනු ලැබුවා. දේශීය ආදායම කොමසාරිස්වරයා විසින් පැවරූ මෙම නඩුවේ වගඋත්තරකරු ලෙස කොළඹ මහ නගර සභාව නම් කර තිබෙනවා. මෙම පැමිණිල්ල කොළඹ අතිරේක මහේස්ත්‍රාත් ඕෂද මිගාර මහාරච්චි මහතා ඉදිරියේ කැඳවීමට නියමිතයි.