හොංකොං ගින්නෙන් මියගිය ගණන 65 දක්වා ඉහළට - 300කට වැඩි පිරිසක් අතුරුදන්

හොංකොං හි තායි පෝ දිස්ත්‍රික්කයේ පොදු මහල් නිවාස සංකීර්ණයක ඇති වූ ගින්නෙන්, අවම වශයෙන් පුද්ගලයින් 65 දෙනෙකු මිය ගොස් ඇති බවට විදෙස් මාධ්‍ය තොරතුරු වාර්තා කරනවා.

ඉන් පුද්ගලයින් 300 කට ආසන්න පිරිසක් අතුරුදන්ව ඇති බව සඳහන්.

ගින්න සම්බන්ධයෙන් මනුෂ්‍ය ඝාතන චෝදනා මත පුද්ගලයින් තිදෙනෙකු අත්අඩංගුවට ගෙන ඇති බවයි වාර්තා වන්නේ.

මෙලෙස අත්අඩංගුවට ගෙන ඇත්තේ, ගින්න ඉක්මනින් පැතිරීමට හේතු වන ද්‍රව්‍ය පිළිබඳව ඉදිකිරීම් සමාගම් විධායක නිලධාරීන් තිදෙනෙකු බව සඳහන්.

ගින්න පැය 18 කට පසු පාලනය කර ඇති අතර, මේ වන විට අතුරුදන් වූවන් සෙවීමේ මෙහෙයුම් අරඹා තිබෙනවා.

මෙම ගින්න දෙවන ලෝක යුද්ධයෙන් පසු හොංකොං හි සිදු වූ දරුණුතම ගිනිගැනීම් අතරට එක් වේ.

මෙම නිවාස සංකීර්ණයේ නිවාස 2,000 කට ආසන්න ප්‍රමාණයක 4,800 ක පමණ ජනතාවක් ජීවත් වූ බව වාර්තා වේ. ගින්නෙන් අවතැන් වූවන් සඳහා තාවකාලික නවාතැන් දෙකක් ද විවෘත කර ඇති බව සඳහන්.