Watch : ''මෙහෙම දේශපාලන නායකයො මේ වගේ පොඩි පොඩි දේවල්වලට අල්ලලා හිරගෙවල්වලට දාන එක නම් වැරදියි''

{{youtube:sMCXAlDJOGM&t=1s}}

හිටපු ජනාධිපති රනිල් වික්‍රමසිංහ මහතා හොඳින් පසුවන බවත්, සුපුරුදු අසනීප තත්ත්ව මිස වෙනත් අසනීප තත්ත්වයක් නොමැති බවත් හිටපු ජනාධිපති මහින්ද රාජපක්ෂ මහතා පවසනවා.

මහින්ද රාජපක්ෂ මහතා මේ බව සඳහන් කළේ අද (23) උදෑසන රනිල් වික්‍රමසිංහ මහතාගේ සුවදුක් විමසීම සඳහා බන්ධනාගාර රෝහල වෙත ගොස්, ඉන් අනතුරුව මාධ්‍ය හමුවේ අදහස් දක්වමින්.

රනිල් වික්‍රමසිංහ මහතා තමන් සමඟ හොඳින් කතාබහ කළ බවයි මහින්ද රාජපක්ෂ මහතා එහිදී සඳහන් කළේ.

එමෙන්ම මෙලෙස අත්අඩංගුවට පත්වීම දේශපාලන‍යේදී උරුම වූවක් බවත් මහින්ද රාජපක්ෂ මහතා පෙන්වා දුන්නා.

''එතුමා බොහොම හොඳට ඇවිල්ලා කතා කළා. එතුමා එච්චර ඕක ගණන් ගන්නෙ නෑ මට පේන විදියට දේශපාලනය කරනවා නම් ඕවා උරුමයි. එතුමාටත් ඒක උරුමයි. එතුමා ඒකට මුහුණ දෙනවා.

ඇත්තටම කණගාටුයි, මෙහෙම දේශපාලන නායකයො මේ වගේ පොඩි පොඩි දේවල්වලට අල්ලලා හිරගෙවල්වලට දාන එක නම් වැරදියි කියලා මම හිතන්නෙ.

මේක ඒ තරම් හොඳ කාර්යයක් නෙවෙයි...''