ලෝක වෙළඳපොළේ බොරතෙල් මිල 6%කින් ඉහළ යයි

ඉරානය සමඟ ඇති කරගත් සටන් විරාමය 'අවසන්' බව ට්‍රම්ප් ප්‍රකාශ කිරීමත් සමඟ ලෝක වෙළඳපොළේ බොරතෙල් මිල 6%කින් ඉහළ ගොස් තිබේ.

දෙපාර්ශවය අතර එක රැයකින් සිදු වූ අන්‍යෝන්‍ය ප්‍රහාර මාලාවකින් පසුව, ඉරානය සමඟ ඇති කරගත් සටන් විරාමයට පදනම වූ අවබෝධතා ගිවිසුම "අවසන්" බව ඇමරිකානු ජනාධිපති ඩොනල්ඩ් ට්‍රම්ප් ප්‍රකාශ කරන ලදී.

අන්කාරා හි පැවැත්වෙන නේටෝ (NATO) සමුළුවේදී අදහස් දක්වමින් ට්‍රම්ප් මෙම ප්‍රකාශය සිදු කළේය.

ඒ අනුව බ්‍රෙන්ට් (Brent) වර්ගයේ බොරතෙල් බැරලයක මිල සියයට 6කින් ඉහළ ගොස් ඩොලර් 78ක් ලෙස වාර්තා විය.