චීන ආනයන සඳහා 100%ක අමතර තීරුබදු පනවන බවට ට්‍රම්ප්ගෙන් තර්ජනයක්

එක්සත් ජනපද ජනාධිපති ඩොනල්ඩ් ට්‍රම්ප් ,ඉදිරි මාසයේ සිට චීනයේ ආනයන සඳහා 100%ක අතිරේක තීරුබදු පනවන බවට ප්‍රකාශ කර තිබෙනවා.

සමාජ මාධ්‍ය සටහනක් මගින් ට්‍රම්ප් සඳහන් කර ඇත්තේ, එක්සත් ජනපදය විසින් තීරණාත්මක මෘදුකාංග සඳහා අපනයන පාලනයක් ද පනවනු ඇති බවයි.

තාක්ෂණික නිෂ්පාදනයන් සඳහා අත්‍යවශ්‍ය වන ඛනිජ වර්ග 7ක් සඳහා චීනය විසින් පසුගිය අප්‍රේල් මාසයේදී අපනයන සීමා පනවනු ලැබූ අතර ට්‍රම්ප්ගේ මෙම තීරණය ඒ හා බැඳේ.

මෙම ඛනිජ වර්ග 7ට අමතරව තවත් ඛනිජ වර්ග 5ක් සඳහා අපනයන සීමා දැඩි කරන බවට ද චීනය පසුගියදා නිවේදනය කරන ලදී.

චීනය මෝටර් රථ, ස්මාර්ට්ෆෝන් සහ තවත් බොහෝ අයිතමවල ප්‍රධාන සංරචක වන දුර්ලභ පාංශු සහ යම් යම් ප්‍රධාන ද්‍රව්‍ය නිෂ්පාදනය කිරීමේ ප්‍රමුඛයින් වේ.

ට්‍රම්ප් මේ වසර මුලදී චීන භාණ්ඩ සඳහා තීරුබදු ඉහළ දැමීමෙන් පසු, බීජිං වෙතින් දුර්ලභ පාංශු අපනයන පාලනය දැඩි කළ අවසන් අවස්ථාවේදී, එම ද්‍රව්‍ය මත යැපෙන බොහෝ එක්සත් ජනපද සමාගම්වලින් විරෝධතා එල්ල විය.

එම සිද්ධිය හේතුවෙන් ෆෝඩ් (Ford) මෝටර් රථ නිෂ්පාදකයාට පවා තාවකාලිකව සිය නිෂ්පාදන කටයුතු නැවැත්වීමට ද සිදුවිය.