පාකිස්තානයේ දී ශ්‍රී ලංකා ක්‍රිකට්වල හයිය පෙන්වන්න සිංහ පැටව් දිවයිනෙන් පිටත් ව යයි

දීර්ඝ තරග සංචාරයක් සඳහා ශ්‍රී ලංකා ක්‍රිකට් කණ්ඩායම අද (04) පාකිස්තානය බලා පිටත්ව ගියා.

පාකිස්තානය සමඟින් තරග තුනකින් සමන්විත විස්සයි විස්ස තරගාවලියක් සහ එම තරගාවලියෙන් අනතුරුව පාකිස්තානය සහ එංගලන්තය එක්වන තුන්කොන් එක්දින තරගාවලියකට ද ශ්‍රී ලංකා කණ්ඩායම එක්වීමට නියමිතයි.

එමෙන්ම තුන්කොන් තරගාවලිය අවසන්වීමෙන් අනතුරුව ශ්‍රී ලංකා කණ්ඩායම තරග දෙකකින් සමන්විත ටෙස්ට් තරගාවලියක ද පාකිස්තානය සමඟ ක්‍රීඩා කිරීමට නියමිතව තිබෙනවා.

අද (04) ඇරඹෙන ශ්‍රී ලංකා ක්‍රිකට් කණ්ඩායමේ පාකිස්තාන තරග සංචාරය අවසන් වන්නේ නොවැම්බර් 21 වැනිදායි.