ඊශ්‍රායල ප්‍රහාරවලින් ලෙබනනයේ 14 දෙනෙකු ජීවිතක්ෂයට

ඊශ්‍රායල ප්‍රහාරවලින් ලෙබනනයේ 14 දෙනෙකු මිය ගොස් 37 දෙනෙකු තුවාල ලබා ඇති බවට ලෙබනනයේ සෞඛ්‍ය අමාත්‍යාංශය තොරතුරු වාර්තා කරනවා.

ප්‍රහාරයෙන් මියගිය පිරිසට කාන්තාවන් දෙදෙනෙකු සහ දරුවන් දෙදෙනෙකු ද ඇතුළත් බව සඳහන්.

සටන් විරාමයකට එළඹ තිබුණ ද ගැටුම් සම්පූර්ණයෙන් නතර වී නොමැති අතර, මීට පෙර පනවා තිබූ 'බෆර් කලාපයට' (Buffer Zone) ඔබ්බෙන් පිහිටි නගර හතක වැසියන්ට ද ඉන් ඉවත් වන ලෙස ඊශ්‍රායල හමුදාව අනතුරු අඟවා තිබෙනවා.

ඊශ්‍රායල හමුදා ප්‍රකාශකයෙකු 'X' පණිවිඩයක් නිකුත් කරමින් සඳහන් කර ඇත්තේ, ලෙබනනයේ හිස්බුල්ලා සන්නද්ධ කණ්ඩායම සටන් විරාමය උල්ලංඝනය කරන බවත්, ඒ සඳහා ඊශ්‍රායලය ක්‍රියාමාර්ග ගන්නා බවත්ය.

ඒ අනුව ලිටානි දෙසට උතුරින් පිහිටි නගරවල වැසියන්ට වහාම උතුරු සහ බටහිර දෙසට ඉවත් වන ලෙස දැනුම් දී ඇත.