චාල්ස් රජු සහ කැමිලා රැජින සිව්දින නිල සංචාරයක් සඳහා ඇමෙරිකාවට

තුන්වන චාල්ස් රජු සහ කැමිලා රැජින සිව්දින නිල රාජ්‍ය සංචාරයක් සඳහා ඇමෙරිකා එක්සත් ජනපදය වෙත පැමිණ තිබේ.

මෙය 2007 වසරේ දෙවන එලිසබෙත් රැජිනගේ සංචාරයෙන් පසුව බ්‍රිතාන්‍ය රජෙකු ඇමෙරිකාවේ සිදුකරන පළමු රාජ්‍ය සංචාරයයි.

මේරිලන්ඩ් හි ඇන්ඩෲස් හමුදා ගුවන් තොටුපළ වෙත පැමිණි රාජකීය යුවළ, පසුව ධවල මන්දිරයේදී ජනාධිපති ඩොනල්ඩ් ට්‍රම්ප් සහ මෙලනියා ට්‍රම්ප් විසින් උණුසුම් ලෙස පිළිගනු ලැබීය.

පසුගිය සෙනසුරාදා වොෂින්ටන් ඩී.සී. හි ජනාධිපතිවරයා සහභාගී වූ උත්සවයකදී සිදුවූ වෙඩි තැබීමේ සිද්ධිය හේතුවෙන් ආරක්ෂාව දැඩි කර ඇත.

මෙම සංචාරයේදී සුවිශේෂී සිදුවීම් කිහිපයක් සිදුවීමට නියමිතය.

ඒ අනුව අඟහරුවාදා දින චාල්ස් රජු ඇමෙරිකානු කොන්ග්‍රස් මණ්ඩලය අමතනු ඇති.