මරණ දඬුවම නියමව සිටින, ෂෙයික් හසීනා පිටුවහල් කරන්නැයි ඉල්ලීමක්

මරණ දඬුවම නියමව සිටින බංග්ලාදේශ හිටපු අග්‍රාමාත්‍ය ෂෙයික් හසීනා පිටුවහල් කරන ලෙස බංග්ලාදේශය යළිත් ඉන්දියාවෙන් ඉල්ලා ඇතැයි විදෙස් මාධ්‍ය තොරතුරු වාර්තා කරනවා.

ඉකුත් වසරේ බංග්ලාදේශ රජයට එරෙහිව පැවති ශිෂ්‍ය නායකත්වයෙන් යුත් උද්ඝෝෂණයේදී මාරාන්තික මර්දනයක් ක්‍රියාත්මක කිරීම සම්බන්ධයෙන් ඇයට මෑතකදී මරණ දඬුවම නියම විය.

ඒ අනුව හිටපු අගමැතිනිය භාරදීමේ ‘අනිවාර්ය වගකීමක්’ නවදිල්ලියට ඇති බවයි, බංග්ලාදේශය පෙන්වා දෙන්නේ.

බංග්ලාදේශ අන්තර්කාලීන පරිපාලනයේ විදේශ කටයුතු අමාත්‍ය ටූහිඩ් හොසේන්ට අනුව, පලාගිය හිටපු නායිකාව තම රටට යළි භාරදෙන ලෙස ඉන්දීය රජයෙන් ලිඛිතව ඉල්ලීමක් ද කර ඇත.