ඊශ්‍රායල ප්‍රහාරයකින්, හිස්බුල්ලා සංවිධානයේ ජ්‍යෙෂ්ඨයෙක් ජීවිතක්ෂයට

ඊශ්‍රායල් ගුවන් ප්‍රහාරයකින්, හිස්බුල්ලා සංවිධානයේ දෙවන ජ්‍යෙෂ්ඨතමයා ජීවිතක්ෂයට පත්වූ බවට විදෙස් මාධ්‍ය තොරතුරු වාර්තා කරනවා.

මෙම ප්‍රහාරය මාස කිහිපයකට පසු දකුණු බේරූට් වෙත එල්ල කළ පළමු ගුවන් ප්‍රහාරවලින් එකකි.

මෙලෙස ජීවිතක්ෂයට පත්ව ඇත්තේ, හිස්බුල්ලා සංවිධානයේ මාණ්ඩලික ප්‍රධානී Haytham Ali Tabatabai නම් අයයි.

ප්‍රහාරය එල්ලව තිබුණේ දකුණු බේරූට් හි හිස්බුල්ලා බලකොටුවක් වන ඩහියේහි මහල් නිවාස සංකීර්ණයකට වන අතර, ඉන් පුද්ගලයින් පස් දෙනෙකු ජීවිතක්ෂයට පත්ව තවත් 28 දෙනෙකු තුවාල ලබා ඇති බව සඳහන්.