ඉන්දුනීසියාවේ පාසල් දිවා ආහාර විෂවීමකින්, 300කට අධික පිරිසක් ලෙඩවෙයි

පාසල් දිවා ආහාර වේලක් විෂ වීම හේතුවෙන්, ඉන්දුනීසියාවේ දරුවන් 365 දෙනෙකු පමණ රෝගාතුරව ඇති බවට විදෙස් මාධ්‍ය තොරතුරු වාර්තා කරනවා.

ජනාධිපති ප්‍රබෝවෝ සුබියන්ටෝගේ නොමිලේ ආහාර ලබාදීමේ වැඩසටහනට අනුව ක්‍රියාත්මක මෙම වැඩපිළිවෙල යටතේ, දරුණු ලෙස බලපෑ ආහාර විෂවීම මෙය වන බව සඳහන්.

අදාළ සිදුවීමෙන් පසු, ආහාර ලබාදීම තාවකාලිකව අත්හිටුවා ඇති බවයි විදෙස් මාධ්‍ය වාර්තා සඳහන් කරන්නේ.

මෙම වැඩසටහන ක්‍රියාත්මක වන්නේ ජනාධිපතිවරයාගේ මැතිවරණ පොරොන්දුවක් යථාවත් කරමින් වන අතර ඊට ආහාර විෂවීම් මාලාවකින් මෙන්ම, මූල්‍ය අර්බුද හමුවේ විවේචන රැසක් එල්ලව තිබේ.

එහි ප්‍රතිඵලයක් ලෙස අමාත්‍යාංශ කිහිපයක අයවැය ද සැලකිය යුතු මට්ටමකින් කපා හැර ඇති බවත් සඳහන්.