පර්සියානු බොක්කේ නෞකා රැසකට ඉරානයෙන් ප්‍රහාර

පර්සියානු බොක්කේ පිහිටි අමෙරිකානු නෞකා දෙකකට සහ බොරතෙල් නෞකා අටකට ප්‍රහාර එල්ල කළ බව ඉරාන ඉස්ලාමීය විප්ලවීය ආරක්ෂක බලකාය (IRGC) පවසනවා.

ඒ අමෙරිකානු හමුදා විසින් ඉරාන බොරතෙල් නෞකා පහකට ප්‍රහාර එල්ල කර විනාශ කිරීමට ප්‍රතිචාර වශයෙන් බවයි විදෙස් වාර්තා සඳහන් කළේ.

ඊට අමතරව, හෝමුස් සමුද්‍ර සන්ධිය හරහා ගමන් කිරීමට උත්සාහ කළ තවත් නෞකා දහයක්ද තම ඉලක්ක බවට පත්කරගත් බව ඉරාන මාධ්‍ය වාර්තා කරනවා.

මෙම දැඩි තත්ත්වය හේතුවෙන් පර්සියානු බොක්කේ සහ හෝමුස් සමුද්‍ර සන්ධිය ආශ්‍රිත මුහුදු තීරයේ ආරක්ෂාව සහ නාවික ගමනාගමනය කෙරෙහි දැඩි බලපෑමක් එල්ල වී තිබේ.